६० पेक्षा जास्त बिनभांडवली व्यवसाय यादी (2022) | 60+ Zero Investment Business Ideas In Marathi 2022

बिनभांडवली व्यवसाय | Zero investment business ideas in marathi | Bin bhandvali dhanda

अनेक लोक म्हणतात कि आम्हाला स्वतःचा Business चालू करायचा आहे पण आमच्याकडे भांडवल नाही, आमच्याकडे पैसे नाही. तुमच्या याच अडचणीतून तुम्हाला सोडवण्यासाठी आज या Video त मी तुम्हाला 5 bin bhadwali vyavsay सांगणार आहे.

Contents
बिनभांडवली व्यवसाय यादी ( Zero Investment Business Ideas List In Marathi )

बिनभांडवली व्यवसाय म्हणजे काय ?

पुढं जाण्याआधी Zero Investment म्हणजे नेमकं काय हे आपण लक्षात घेऊ. अनेक जण या गोष्टीचा शब्दशः अर्थ घेतात.

या जगात Zero Investment असं काहीही नसतं. Business करण्यासाठी तुम्ही तुम्हचा Time देता ती हि एक प्रकारची Investment आहे, तुम्ही मेहनत करता ती हि एक प्रकारची investment.

Zero Investment म्हणजे जे Business सुरु करण्यासाठी तुम्हाला खूप मोठी इन्व्हेस्टमेंट करण्याची गरज नाही म्हणजे तर १५ ते २० हजारात तुम्ही व्यवसाय सुरु करू शकता किंवा ज्या गोष्टी तुमच्याकडे आधीपासूनच आहे त्याच गोष्टींचा वापर करून तुम्ही Business सुरु करू शकता.

बिनभांडवली व्यवसाय यादी ( Zero Investment Business Ideas List In Marathi )

1 YouTube Channel ( यूट्यूब चॅनल )

Zero Investment मध्ये सुरू होणारा सर्वात सोपा व्यवसाय म्हणजे YouTube Channel. YouTube Channel सुरु करण्यासाठी तुम्हाला कोणत्या प्रकारची मोठी Investment करण्याची गरज नाही.

तुमच्याकडे जर फक्त एक स्मार्ट फोन आणि इंटरनेट कनेक्शन असेल तर तुम्ही घर बसल्या स्वतःचे यूट्यूब चैनल सुरू करू शकता आणि दर महिन्याला लाखो रुपये कमवू शकतो.

तुम्ही जवळपास कोणत्याही Topic वर YouTube Channel बनवू शकता फक्त त्या टॉपिक मध्ये इतरांनाही देखील इंटरेस्ट असला पाहिजे उदाहरण द्यायचं झालं तर – Comedy, Music, dance, entertainment, Online coaching, Yoga, Vlogging , health , fitness , Educational अनेक topic आहे.

YouTube वरून तुम्ही YouTube Monetization, Advertising, Affiliate marketing अशा अनेक मार्गांनी पैसे कमाऊ शकता.

2  Blogging ( ब्लॉगिंग )

तुमच्याकडे जर एक स्मार्ट फोन आणि इंटरनेट कनेक्शन असेल तुम्ही घर बसल्या स्वतःचा ब्लॉग सुरू करू शकता आणि लाखो, करोडो रुपये कमवू शकता.

ब्लॉग सुरु करण्यासाठी तुम्हाला कोणत्या प्रकारची इन्वेस्टमेंट करण्याची गरज नाही.

भारतामध्ये अनेक ब्लोगर्स ब्लॉग च्या माध्यमातून दर महिन्याला 50 लाख ते 1 करोड पेक्षा हि जास्त पैसे कमवत आहे.

FREE मध्ये स्वतःचा ब्लॉग कसा सुरु करायचा हे जाणून घ्यायचे असेल तर Blogging मराठीत हा विडिओ बघा

3. Electronic Appliances Repairing ( इलेक्ट्रॉनिक उपकरणे दुरुस्त करणे )

आजकाल प्रत्येक घरांमध्ये अनेक इलेक्ट्रिकल अप्लायन्सेस असतात टीव्ही, फ्रीज, कूलर, फॅन, वॉशिंग मशीन आणि तुम्ही कितीही चांगल्या क्वालिटीचं इलेक्ट्रिकल अप्लायन्सेस घेतला तरी देखील कधी ना कधी ते खराब होतच आणि खराब झाल्यावर त्याला दुरुस्त करावा लागत.

या व्यवसायाची कायम डिमांड राहणार आहे. तुम्ही जर योग्य किमतीत चांगलं काम करून दिलं तुमच्याकडे भरपूर कस्टमर येतील.

हा व्यवसाय सुरू करण्यासाठी तुम्हाला कोणत्याही प्रकारची इन्व्हेस्टमेंट करण्याची गरज नाही तुम्हाला फक्त रिपेरिंग चा एखादा कोर्स करावा लागेल. 

4.Juice Shop ( ज्युस चे दुकान )

फळांच ज्यूस सगळ्यांनाच आवडतं परंतु आज काल फळांच pure ज्यूस मिळणं कठीण झाल आहे.

तुम्ही तुमच्या शहरांमध्ये किंवा आसपासच्या शहरांमध्ये एखाद्या वर्दळीच्या ठिकाणी ज्यूस चा स्टॉल लावू शकता किंवा दुकान सुरू करू शकता.

ज्यूस चा स्टॉल सुरू करण्यासाठी तुम्हाला कोणत्याही प्रकारची मोठी इन्वेस्टमेंट करण्याची गरज नाही. ज्यूस च दुकान सुरू करण्यासाठी तुम्हाला जूस बनवायचं मशीन घ्याव लागेल, त्याचबरोबर ज्यूस कसं बनवायचं हे देखील शिकाव लागेल ते तुम्ही इंटरनेटवरून देखील शिकू शकता.

जर तुम्हाला ज्यूसचा व्यवसाय सुरू करायचा असेल तर तुम्ही जूस बिजनेस प्लान इन मराठी हा व्हिडिओ बघु शकता.

5. Homemade Eatery ( खानावळ )

खानावळ हा देखील एक अत्यंत प्रसिद्ध व्यवसाय आहे आणि हा व्यवसाय सुरु करण्यासाठी तुम्हाला कोणत्याही प्रकारच्या मोठ्या भांडवलाची आवश्यकता नाही.

आज काल लोक कामानिमित्त त्यांच्या घरापासून लांब राहतात आणि त्यांना चांगल जेवण मिळतं नाही.

तुम्ही घर बसल्या देखील Zero Investment मध्ये हा व्यवसाय सुरू करू शकता. यासाठी तुम्हाला स्वतःला जेवण बनवता येणे आवश्यक आहे किंवा तुम्ही तुमच्या घरातील महिलांची देखील मदत घेऊ शकता.

6. Breakfast Corner ( ब्रेकफास्ट कॉर्नर )

चांगल्या आरोग्यासाठी सकाळी नाश्ता करणे अत्यंत गरजेचे असते परंतु कामाच्या घाईगडबडीत नाश्ता करायचं राहून जातं.

त्याच बरोबर सकाळी सकाळी रोजच कोणता नाश्ता बनवावा असा देखील घरातल्या महिलांना प्रश्न असतो आणि म्हणूनच इथे तुमच्यासाठी चांगली संधी निर्माण होते.

तुम्ही अत्यंत कमी भांडवलात तुमचं ब्रेकफास्ट कॉर्नर सुरू करू शकता.

व्यवसायात नाविन्य निर्माण करण्यासाठी तुम्ही फक्त आणि फक्त Healthy नाष्टा तुमच्या नाश्ता सेंटर मध्ये ठेवू शकता.

त्याच बरोबर आपले महाराष्ट्रीयन पदार्थ देखील तुम्ही नाश्त्यासाठी ठेवू शकता.

7.  Artificial / Fashion Jewellery (कृत्रिम / फॅशन ज्वेलरी)

महिलांना दागिने वापरायला खूप आवडतात परंतु आजकाल सोन्या-चांदीचे दागिने घेणे परवडत नाही त्याचबरोबर अशी दागिने घालून फिरणं हे धोक्याचं असतं आणि म्हणूनच इथे तुमच्यासाठी संधी निर्माण होते.

तुम्ही आर्टिफिशल ज्वेलरी विकण्याचा व्यवसाय सुरू करू शकता. हवं तर तुम्ही घर बसल्या देखील हा व्यवसाय सुरू करू शकता किंवा वेगवेगळ्या कॉलनीमध्ये फिरून देखील तुम्ही ही आर्टिफिशियल ज्वेलरी विकू शकता.

या व्यवसायामध्ये अत्यंत चांगलं प्रॉफिट मार्जिन असतं तुम्ही ऑनलाईन देखील ही आर्टिफिशियल ज्वेलरी विकू शकता.

8. Old Bike and Car Selling Business ( जुन्या टू – व्हिलर आणि कार चा व्यवसाय)

प्रत्येकाला वाटत असतं की त्याच्याकडे स्वतःची गाडी असावी परंतु आजकाल गाड्यांच्या किमती प्रचंड वाढल्या आहे.

बाइक घेणे किंवा कार घेणे हे सर्वसामान्य माणसाला परवडत नाही आणि म्हणूनच असे लोक सेकंड हँड किंवा जुन्या गाड्या घेणं पसंद करतात.

परंतु चांगली गाडी कुठे मिळल हे त्यांना माहीत नसतं त्याचबरोबर एखाद्या अनोळखी व्यक्तीकडून बाईक किंवा कार विकत घेताना लोक थोडेसे घाबरतात.

तुम्ही जुन्या बाईक तसेच कार विक्रीचा व्यवसाय सुरू करू शकता यासाठी तुम्हाला कोणत्याही प्रकारची मोठी Investment करण्याची गरज नाही. तुम्ही भांडवल नसेल तरीही हा Business करू शकता.

यासाठी तुम्हाला फक्त ज्या लोकांना गाड्या विकायच्या आहे त्यांच्याशी संपर्क साधून त्यांची list बनवायची आहे आणि जर कोणाला गाडी खरेदी करायची असेल तर तुम्ही या लोकांशी संपर्क साधून व्यवहार पूर्ण करू शकता आणि तुम्ही मध्ये भरपूर कमिशन कमावू शकता.

 9. House Cleaning Business (घर साफ ​​करण्याचा व्यवसाय)

प्रत्येकाला त्याच घर साफ ठेवायचं असतं परंतु आजकाल कामामुळे लोकांना वेळ मिळत नाही.

घरातील महिला आणि पुरुष दोघेही जॉब करत असतात त्यामुळे त्यांना वेळ मिळत नाही आणि इथंच तुमच्यासाठी संधी निर्माण होते.

तुम्ही लोकांची घरे साफ करून देण्याचा व्यवसाय सुरू करू शकता अनेक लोक यशस्वीपणे हा व्यवसाय करत आहे  आणि यातून करोडो रुपयांची उलाढाल करत आहे.

व्यवसाय करण्यासाठी तुम्हाला फक्त घर साफसफाई करण्याचे साधन लागतील जे तुमच्या घरात देखील असतात. यासाठी तुम्हाला कोणत्याही प्रकारची खूप मोठी इन्व्हेस्टमेंट करायची गरज नाही. 

10. Job Recruitment Service ( नोकरी भरती सेवा )

आजकाल शिकून देखील तरुणांना नोकरी मिळत नाही. तुम्ही शून्य भांडवलात जॉब रिक्रुटमेंट सर्व्हिस सुरू करू शकता आणि लोकांना जॉब मिळण्यासाठी मदत करू शकता.

यासाठी तुम्हाला कंपन्यातील HR Department मध्ये ओळख वाढवावी लागेल तसेच वेगवेगळ्या कंपन्यांमध्ये जाऊन तुम्हाला कंपनीच्या मालकांशी तसंच मॅनेजर सोबत ओळख करावी लागेल आणि त्यांना तुमच्या बिजनेस बद्दल सांगावे लागेल.

यातून तुम्ही अतिशय चांगले पैसे कमावू शकता.

 11. Beauty Parlour ( ब्युटी पार्लर )

ब्युटी पार्लर ही एक गरजेची सेवा आहे. सर्व महिलांना या सर्व्हिसेस ची गरज असते.

तुम्ही एखादा ब्युटी पार्लरचा छोटासा कोर्स करू शकता आणि घरबसल्या तुमचं एक घरगुती ब्युटी पार्लर सुरू करू शकता.

तुमच्या कॉलनीतल्या आणि ओळखीच्या महिलांपासून तुम्ही तुमच्या बिझनेस ची सुरुवात करू शकता.

सुरुवातीला तुम्हाला मार्केट पेक्षा कमी रेट चार्ज करायचे आहे आणि जस जसे कस्टमर वाढत जातील तस तसे तुम्हाला तुमचे रेट वाढवायचे आहे.

12 Alternative Therapies Centre ( वैकल्पिक उपचार केंद्र )

आज काल आपल्या जीवनशैलीमुळे आणि खानपान बिघडल्यामुळे आपल्याला अनेक आजार होत आहे. पाठीचे आजार, कमरेचे आजार, पोटाचे आजार, मणक्याचे आजार, मानेचे आजार, गुडघ्यांचे हजार असे अनेक आजार लोकांना होत आहे.

अनेक वेळेस दवाखान्यात जाऊन देखील हे आजार बरे होत नाही आणि इथंच तुमच्यासाठी संधी निर्माण होते.

Acupressure, Acupuncture, sujok, aroma therapy, music therapy, magnet therapy अशा अनेक Therapies मार्केटमध्ये प्रसिद्ध आहे.

अनेक लोक अशा प्रकारच्या Alternative Therapies देऊन त्यातून अतिशय चांगले पैसे कमावत आहे. तुम्ही अल्टरनेटिव्ह थेरपी चा एखादा छोटासा कोर्स करू शकता आणि तुमचं स्वतःचं अल्टरनेटिव थेरेपी सेंटर सुरू करू शकता.

13. Tiffin Service ( टिफिन सेवा )

खानावळ प्रमाणे तुम्ही टिफिन सर्विस देखील सुरू करू शकता. तुम्ही खानावळ आणि टिफिन सर्विस दोन्हीही व्यवसाय एकत्रितपणे करू शकता. 

जेवण बनवण्यासाठी आवश्यक असलेल्या सर्व गोष्टी आपल्या घरात असतात त्यामुळे तुम्ही शून्य भांडवलात देखील हा व्यवसाय सुरू करू शकता.

कस्टमर आणि पैसे यायला लागल्यावर तुम्ही ऑनलाईन जाहिरात करुन तुमचा व्यवसाय वाढवू शकता.

14. Yoga Classes ( योगा क्लासेस )

आज काल लोक त्यांच्या हेल्थ आणि फिटनेस बाबद जागृत होत आहे आणि म्हणूनच योगा क्लासेस ची डिमांड देखील खुप वाढत आहे.

तुम्ही योगा चा एखादा छोटासा कोर्स करून स्वतःचे योगा क्लासेस सुरू करू शकता.

योगा क्लासेस सुरू करण्यासाठी तुमच्याकडे हे स्किल असणे गरजेचे आहे. हा एक अत्यंत साधा आणि सोपा बिनभांडवली व्यवसाय आहे.

15. Dance Classes डान्स क्लासेस

तुम्हाला जर डान्स येत असेल किंवा डान्स मध्ये इंटरेस्ट असेल तर तुम्ही डान्स क्लासेस सुरू करू शकता.

तुम्ही वेगवेगळ्या प्रकारच्या डान्स स्टाईल पैकी तुम्हाला आवडत असेल किंवा येत असेल ती स्टाईल तुम्ही शिकू शकता.

शहरांमध्ये अशा प्रकारचे क्लासेस खूप चालतात.

आजकाल लोक व्यायाम म्हणून देखील डान्स क्लासेस जॉईन करतात.

16. Academic Tuition ( शैक्षणिक क्लासेस )

तुम्ही शालेय विद्यार्थ्यांचे क्लासेस घेऊ शकता ज्यात तुम्ही गणित, विज्ञान, इंग्लिश अशा प्रकारचे विषय शिकवू शकता. 

त्याच बरोबर तुम्ही कॉलेजच्या विद्यार्थ्यांचे क्लास देखील घेऊ शकता ज्यात तुम्ही अकरावी-बारावीचे घेऊ शकता.

ट्युशन क्लासेस सुरू करण्यासाठी तुम्हाला कोणत्याही प्रकारची इन्वेस्टमेंट करण्याची गरज नाही. हा एक अत्यंत उत्तम असा बिनभांडवली व्यवसाय आहे

17. English Speaking Classes ( इंग्लिश स्पीकिंग क्लासेस )

जर तुम्हाला इंग्लिश बोलता येत असेल किंवा जर तुमचे इंग्लिश चांगलं असेल तर तुम्ही शून्य गुंतवणुकीत इंग्लिश स्पीकिंग क्लासेस सुरू करू शकता.

इंग्लिश स्पीकिंग क्लास सुरू करण्यासाठी तुमच्याकडं इंग्रजीच चांगल knowledge असण्याची गरज आहे.

आज काल जॉब असो किंवा बिजनेस असो प्रत्येक ठिकाणी इंग्लिश भाषा ही गरजेची झालेली आहे आणि म्हणूनच इंग्लिश स्पीकिंग क्लासेस ची मार्केटमध्ये अतिशय चांगली डिमांड देखील आहे

18. Personality Development Classes ( पर्सनॅलिटी डेव्हलपमेंट क्लासेस )

जॉब करत असताना किंवा बिजनेस करत असताना तुमची पर्सनालिटी कशी आहे याचा तुमच्या कामावर खूप मोठा प्रभाव पडतो.

तुमची पर्सनॅलिटी चांगली असेल तर जॉब च्या इंटरव्यू मध्ये देखील तुम्हाला त्याचा फायदा मिळतो. 

या ठिकाणी तुम्ही Communication Skills, Stage Daring अशा प्रकारच्या अनेक गोष्टी विद्यार्थ्यांना शिकवू शकता.

तुम्ही स्वतः आधी एखादा पर्सनॅलिटी डेव्हलपमेंट चा कोर्स करू शकता आणि मग हा Business सुरू करू शकता.

19. Cooking Classes ( कुकिंग क्लासेस )

तुम्ही घर बसल्या शून्य भांडवलातून तुमचे स्वतःचे कुकिंग क्लासेस सुरू करू शकता.

तुम्ही रोजचे जेवण कसे बनवायचे ते शिकू शकता किंवा तुम्ही वेगवेगळे पदार्थ कशे बनवायचे ते देखील शिकवू शकता.

शहरांमध्ये कुकिंग क्लासेस ची अतिशय चांगली डिमांड आहे.

19. Motivational Speaker ( मोटिवेशनल स्पीकर )

तुम्ही जर एखादा मोटिवेशनल सेमिनार अटेंड केला असेल तर तुम्हाला माहीत असेल की मोटिवेशनल स्पीकर किती पैसे कमवतात.

युट्युब वरून देखील अनेक मोटिवेशनल स्पीकर्स त्यांचे Videos Upload करून चांगले पैसे कमावतात.

तुम्ही मोटिवेशनल स्पीकर बघू शकता आणि वेगवेगळ्या ठिकाणी मोटिवेशनल भाषण देऊन त्या बदल्यात पैसे चार्ज करू शकता किंवा तुम्ही युट्युब वर देखील तुमचे Videos Upload करून त्यातून देखील अतीशय चांगले पैसे कमावू शकता.

20. Men’s Hair Salon ( मेन्स हेअर सलून )

चांगल दिसण्यासाठी प्रत्येक माणूस त्याचे केस नीटनेटके आणि व्यवस्थित ठेवण्याचा प्रयत्न करत असतो.

महिन्या दोन महिन्यांनी केस हे कापावे लागतात आणि हे काम घरी करता येत नाही त्यासाठी सलूनमध्ये जावे लागते.

ही एक अशी सर्विस आहे ज्याची डिमांड सगळीकडेच आहे जवळपास प्रत्येक पुरुष हा तुमचा कष्टमर आहे.

सलून व्यवसाय सुरू करण्यासाठी तुम्हाला कोणत्याही प्रकारच्या मोठया भांडवलाची आवश्यकता नाही. तुम्हाला फक्त salon चा एक छोटासा कोर्स करावा लागेल जो पाच ते सहा महिन्यांचा असतो.

21. Car Bike Washing Service ( कार आणि बाईक वॉशिंग सर्विस )

Zero investment मध्ये सुरू होणारा एक अत्यंत साधा आणि सोपा व्यवसाय म्हणजे कार आणि बाईक वॉशिंग सर्विस.

हा बिझनेस सुरू करण्यासाठी तुम्हाला कोणत्याही प्रकारचे पैसे खर्च करण्याची गरज नाही.

आधी तुम्ही महिनाभर एखाद्या बाईक आणि कार वॉशिंग सर्विस सेंटरवर काम करू शकता म्हणजे तुम्हाला हे काम कसं करायचं याची माहिती होईल.

22 Laundry, Dry cleaning & Ironing Service ( लॉन्ड्री ड्रायक्लिनिंग आणि इस्री सर्विस )

जवळपास प्रत्येक व्यक्ती हा कपडे वापरतो आणि कपडे एकदा वापरले की लगेच फेकून देता येत नाही ते धुवून काढावे लागतात परत वापरण्यासाठी.

तुम्ही लॉन्ड्री ड्रायक्लिनिंग आणि ironing चा व्यवसाय सुरु करू शकता यासाठी तुम्हाला कोणत्याही प्रकारची इन्व्हेस्टमेंट करण्याची गरज नाही.

ततुम्ही युट्युब आणि गुगल वरून या सर्व गोष्टी शिकु शकता आणि तुमच्या शहरातील Residential Area मध्ये किंवा गर्दीच्या ठिकाणी हा व्यवसाय सुरू करू शकता.

या सर्व सर्व्हिसेस ची शहरांमध्ये खूप मोठी मागणी आहे आणि तुम्ही या संधीचा फायदा घेऊन अतिशय चांगले पैसे कमावू शकता.

23. Seasonal Businesses ( हंगामी व्यवसाय) 

आपल्या देशामध्ये अनेक सण समारंभ असतात आणि सण समारंभ म्हणजे त्यांच्याशी संबंधित व्यवसाय देखील येतात.

तुम्ही या सणांच्या काळामध्ये व्यवसाय करून कमी कालावधीत जास्त पैसे कमवू शकता.

अनेक लोक वर्षभर कोणतेही काम करत नाही ते फक्त सीझनच्या काळामध्ये व्यवसाय करतात.

सीझनच्या काळात रोजगाराचा म्हणजे आदल्या दिवशी कामाची सुरुवात करून चालत नाही तुम्हाला सीझनच्या महिना दोन महिने आधीपासूनच तयारी करावी लागते.

24. Financial Consultant / Financial Planner ( वित्तीय सल्लागार )

अनेक लोक जॉब करून किंवा व्यवसाय करून अतिशय चांगले पैसे कमावतात परंतु ते कमावलेले पैसे कुठे ठेवायचे किंवा कुठे गुंतवायचे हे त्यांना समजत नाही.

अनेक लोक ज्या वेळेस रिटायर होतात त्यावेळेस त्यांना भरपूर पैसे मिळतात परंतु त्या पैशाची इन्व्हेस्टमेंट कशी करावी हे त्यांना समजत नाही.

तुम्ही फायनान्शियल कन्सल्टंट बनू शकता आणि लोकांना पैसे कुठे गुंतवावे, कसे गुंतवायचे याचं मार्गदर्शन करू शकता.

फायनान्स मध्ये खूप पैसा आहे फक्त तुम्हाला Finance च ज्ञान असणे गरजेचे आहे.

25. Babysitter Services (आया किंवा लहान मुलांना सांभाळण्याचा व्यवसाय) 

आज-काल घरातील महिला आणि पुरुष दोघेही कामानिमित्त किंवा जॉब निमित्त घराबाहेर असतात त्यामुळे त्यांची लहान मुलं सांभाळण्याचा खूप मोठा प्रश्न त्याच्यासमोर उभा राहतो.

तुम्ही बेबी सीटर सर्व्हिसेस किंवा लहान मुलं सामान्याचा व्यवसाय सुरू करू शकता.

हा व्यवसाय सुरू करण्यासाठी तुम्हाला कोणत्या प्रकारची इन्व्हेस्टमेंट करण्याची गरज नाही फक्त तुमच्या अंगात Patience असणे अत्यंत गरजेचे आहे.

भविष्यात तुम्ही स्वतःची नर्सरी स्कूल देखील सुरू करू शकता.

26. Wedding Planner ( वेडिंग प्लॅनर ) 

आपल्याकडे लग्न म्हणजे एक खूप मोठा समारंभ असतो लग्नामध्ये अनेक वेगवगळ्या गोष्टी असतात आणि सर्वसामान्य लोकांना सर्व गोष्टीची माहिती नसते.

लग्नामध्ये लोक लाखो रुपये खर्च करतात आणि म्हणूनच सर्व गोष्टी नीटनेटक्या पार पडाव्या अशी त्यांची इच्छा असते .

तुम्ही वेडिंग प्लानर बनू शकता आणि यातून चांगले पैसे कमावू शकता.

तुम्ही आधी एखाद्या वेडिंग प्लॅनर च्या हाताखाली काम करू शकता आणि या सर्व गोष्टी कशा प्रकारे होतात हे शिकून घेऊ शकतात.

27. Electrician (इलेक्ट्रीशियन) 

प्रत्येक घरात लाईट असते आणि लाईट शी संबधित अनेक प्रॉब्लेम देखील निर्माण होत असतात आणि जर काही लाईट शी संबंधीत प्रॉब्लेम आला तर ते काम घरच्या घरी करता येत नाही त्यासाठी इलेक्ट्रिशियन चिच गरज पडते.

तुम्ही एखादा छोटासा इलेक्ट्रिशियन चा कोर्स करून इलेक्ट्रिशियन बनवू शकता त्यासाठी तुम्हाला कोणत्याही मोठ्या भांडवलाची आवश्यकता नाही.

भविष्यात तुम्ही वेगवेगळ्या Construction Contractor सोबत एकत्रितपणे देखील काम करू शकता आणि मोठमोठी कामे घेऊ शकता.

28. Digital Marketing ( डिजिटल मार्केटिंग) 

कोणत्याही व्यवसाया मध्ये सर्वात महत्त्वाच जर काही असेल तर ते आहे मार्केटिंग आणि आजच्या काळामध्ये Marketing देखील बदलत आहे.

मार्केटिंग ऑनलाईन पद्धतीने केली जात आहे. प्रत्येकाला त्याच्या व्यवसायाची ऑनलाइन गुगल, फेसबुक या ठिकाणी जाहिरात करायची असते परंतु ती कशी करावी हेच त्यांना माहित नाही.

तुम्ही डिजिटल मार्केटिंग एजन्सी सुरू करू शकता आणि वेगवेगळ्या व्यवसायांची तसेच ऑर्गनायझेशन ची ऑनलाईन पद्धतीने मार्केटिंग करून देऊ शकता.

28. Social Media Management (सोशल मीडिया मॅनेजमेन्ट )

तुम्ही सोशल मीडिया मॅनेजमेंट चा व्यवसाय सुरू करू शकता अनेक मोठे लोक, पॉलिटिशियन, व्यवसाय, कंपन्या, youtubers, bloggers, सेलिब्रिटी त्यांना या सर्व्हिसेस ची गरज असते.

नियमितपणे वेगवेगळ्या प्रकारच्या पोस्ट करणे, कमेंट ला रिप्लाय देणे अशा प्रकारचे अनेक कामे तुम्हाला करायची असतात.

तुम्हाला जर सोशल मीडिया चांगल्या पद्धतीने हाताळता येत असेल किंवा सोशल मीडिया मध्ये तुम्हाला इंटरेस्ट असेल तर तुम्ही हा व्यवसाय शून्य भांडवलात सुरु करू शकता.

29. CSC ( Common Service Center ) ( कॉमन सर्विस सेंटर )

कॉमन सर्विस सेंटर हा एक अतिशय चांगला बिन भांडवली व्यवसाय आहे.

तुम्ही एखादा गाळा भाड्याने घेऊ शकता आणि तिथे वेगवेगळ्या सर्विस देऊ शकता जसे की insurance service, passport service, PAN card service, pension service, income certificate, caste certificate, सरकारी योजनांशी संबंधित सर्विसेस.

यासाठी तुम्ही एक सेकंड हँड कॉम्पुटर घेऊ शकता. CSC Centre सुरू करण्याआधी तुम्ही एखाद्या तुमच्या आसपासच्या CSC Centre वर दोन-तीन महिने काम करू शकता आणि याठिकाणी कशा पद्धतीने काम केलं जातं याचा अनुभव घेऊ शकता.

30. Typing Service ( टायपिंग सर्व्हिस ) 

तुम्ही टायपिंग ची कामे करू शकता तुम्हाला टायपिंग येत नसेल तर तुम्ही टायपिंग चा कोर्स करू शकता.

कोर्ट कचेरी यांच्या बाहेर अनेक लोक टायपिंग सर्विस देऊन अतिशय चांगले पैसे कमवत आहे. 

तुम्ही देखील एक second-hand कॉम्प्युटर घेऊन तुमच्या भागामध्ये टायपिंग सर्विस देऊ शकता.

31. Computer Training Center ( कंप्यूटर ट्रेनिंग सेंटर ) 

आज-काल प्रत्येक ठिकाणी कॉम्प्युटर ची गरज पडत आहे. Job असो किंवा Business असो, जवळपास प्रत्येक क्षेत्रामध्ये कॉम्प्युटर वापरता येणे अत्यंत गरजेचे आहे.

भारतामध्ये असे अनेक लोक आहेत ज्यांना कॉम्प्युटर वापरता येत नाही. अनेक विद्यार्थी त्यांच्या शिक्षणासोबत कॉम्प्युटरचे अनेक कोर्सेस करत असतात कारण त्यांची मार्केटमध्ये सध्या खूप डिमांड आहे. 

तुम्ही कॉम्प्युटरच ट्रेनिंग सेंटर सुरू करू शकता आणि त्यातून अतिशय चांगले पैसे तुम्ही कमावू शकतात

32. Graphic Design ( ग्राफिक डिझाइन )

जग हे visuals च आहे. मार्केट मध्ये जे दिसतं तेच विकत म्हणूनच प्रत्येकाला त्याच्या बिझनेस किंवा ऑर्गनायझेशन साठी आकर्षक असे बॅनर्स,पोस्टर्स आणि Adverising मटेरियल ची आवश्यकता असते.

ग्राफिक डिझायनिंग हे एक स्किल आहे आणि जे प्रत्येकाकडे नसतं.

तुम्ही ग्राफिक डिझाइन चा एखादा छोटासा कोर्स करू शकता आणि ग्राफिक डिझाइन सर्व्हिस देऊन त्यातून चांगला बिजनेस उभा करू शकता.

ग्राफिक डिझाईन चा कोर्स तुम्ही ऑनलाईन फ्री मध्ये देखील करू शकता आणि इंटरनेटवरुन सर्व गोष्टी तुम्ही फ्री मध्ये शिकू शकता.

33. Mobile Repairing & Accessories Shop (मोबाइल दुरुस्ती व अ‍ॅक्सेसरीजचे दुकान)

आजच्या काळात जवळपास प्रत्येक व्यक्ती स्मार्टफोन किंवा मोबाईल वापरतो आणि स्मार्टफोन हा कधी ना कधी खराब होतोच आणि आपण एवढेही श्रीमंत नाही स्मार्ट फोन खराब झाल्यावर तो लगेच फेकून देऊ शकतो.

तो स्मार्ट फोन आपल्याला दुरुस्त करावा लागतो.

तुम्ही मोबाईल रिपेरिंग चा एखादा छोटासा कोर्स करू शकता आणि तुमच्या भागामध्ये एखाद्या वर्दळीच्या ठिकाणी स्मार्ट फोन रिपेरिंग आणि ॲक्सेसरीज चे दुकान सुरू करू शकता.

34. Online Selling (ऑनलाईन विक्री)

भारतामध्ये करोडो लोक ऑनलाईन वेगवेगळ्या वस्तूंची खरेदी करतात आणि भारतामध्ये ही फक्त एक सुरुवात आहे कारण येणाऱ्या काळामध्ये ऑनलाईन खरेदी करणाऱ्या लोकांची संख्या अनेक पटींनी वाढणार आहे.

तुम्ही अतिशय कमी गुंतवणुकीमध्ये स्वतःची वेबसाइट बनवू शकता आणि त्यावर वेगवेगळे Products विकु शकता. त्याचबरोबर तुम्ही Social Media चा देखील वापर करुन products ची विक्री करू शकता.

तुम्ही Ecommerce Platforms वर फ्री मध्ये ऑनलाईन सेलर म्हणून रजिस्ट्रेशन करू शकता आणि वेगवेगळे प्रोडक्स विकून त्यातून लाखो, करोडो रुपये कमवू शकता

35. Become A Freelancer ( फ्रीलांस व्यवसाय )

आज-काल मोठमोठ्या कंपन्या फ्रीलान्सर कडून काम करून घेणे पसंत करत आहे. फ्रीलान्सर म्हणजे हे असे लोक असतात जे स्वतंत्रपणे वेगवेगळ्या कंपन्यांची कामे घेतात आणि प्रोजेक्ट नुसार किंवा तासा नुसार पैसे चार्ज करतात.

तुम्ही एक फ्रीलांसर बनू शकता आणि घर बसल्या वेगवेगळ्या कंपन्यांची कामे घेऊन लाखो रुपये कमवू शकता.

Upwork.com, Fiverr.com अशा वेबसाईटवर तुम्हाला भरपूर कामे मिळतील.

36. Website Development ( वेबसाईट डेव्हलपमेंट )

जग डिजिटल बनत चाललेला आहे आणि प्रत्येकाला त्याच्या बिझनेस साठी किंवा ऑर्गनायझेशन साठी एक वेबसाईट बनवून हवी असते. 

तुम्ही गुगल आणि युट्युब वर वेबसाईट कशी बनवायची ते अगदी फ्री मध्ये शिकू शकता आणि वेबसाइट डेव्हलपमेंटचा बिजनेस घरबसल्या सुरू करू शकता.

37. Photography ( फोटोग्राफी )

फोटोग्राफीला लोक छोट समजतात परंतु फोटोग्राफी मधून तुम्ही लाखो-करोडो रुपये कमवू शकता.

Photography मध्ये Pre wedding photoshoot, birthday photo shoot, stock photo shoot, अशे अनेक पर्याय तुमच्या कडे आहे.

Photography मधून तुम्ही दर महिन्याला लाखो रुपये कमवू शकता.

38. Homemade Sweet Shop (होममेड स्वीट शॉप)

लोकांना गोड पदार्थ किंवा मिठाई खुप आवडते पण बाजारातील मिठाई ही हेल्थ साठी चांगली नसते. मार्केट मधील मिठाई मध्ये भेसळ केली जाते.

तुम्ही घरगुती मिठाई चे दुकान सूरु करू शकतं जिथे तुम्ही वेगवेगळया भारतीय मिठाई आणि पदार्थ बनवुन ते विकु शकता.

39 Organic Fruits & Vegetable Seller ( सेंद्रिय फळे आणि भाजी विक्रेता )

आजकाल आपण जे फळं आणि भाज्या खातो त्यात मोठ्यप्रमाणावर chemical भरलेले असतात.

फळं आणि भाज्यांवर जे खत आणि किटकनाशक फवारले जातात त्यामुळें लोकांना अनेक मोठमोठे भयानक आजार होत आहे.

आणि लोक हळु हळू याबद्दल जागृत होत आहे. त्यांना Organic फळं आणि भाज्यांचं महत्त्व लक्षात येत आहे. 

Organic Farming आणि त्याच्याशी संबंधीत व्यवसायांमध्ये खूप संधी आहे.

तुम्ही शेतकऱ्यांकडून हे फळं आणि भाज्या खरेदी करू शकता आणि तुमच्या शहरामध्ये एखाद्या ठिकाणीं दुकानं लावून किंवा फिरून त्यांची विक्री करू शकता.

40. Agri Tourism कृषी पर्यटन

तुम्ही ग्रामीण भागामध्ये शून्य भांडवलामध्ये agro tourism ( कृषी पर्यटन)  व्यवसाय सुरू करू शकतात.

Agri tourism म्हणजे शहरातील पर्यटकांना तुमच्या गावांमध्ये बोलावून त्यांना ग्रामीण जीवन, संस्कृती, राहणीमान, खानपान, शेती करण्याच्या वेगवेगळ्या पद्धती याचा प्रत्यक्ष अनुभव देणे.

तुमच्याकडे जर थोडीशी जमीन असेल तर हा व्यवसाय तुम्ही सहज सुरू करू शकता तुमच्याकडे जर जमीन नसेल तरी देखील तुम्ही इतर शेतकऱ्यांसोबत पार्टनरशिप मध्ये हा व्यवसाय सुरू करू शकता.

41.  Customized Food Recipes Supplier ( पसंदीदा खाद्यपदार्थ सप्लायर )

खाद्यपदार्थांच्या व्यवसाया मध्ये प्रचंड पैसा आहे ज्यामध्ये तुम्ही अनेक प्रकारचे व्यवसाय करू शकता जसे की तुम्ही वेगवेगळ्या पदार्थांच्या ऑर्डर्स घेऊ शकता.

वेगवेगळे पदार्थ खाण्याची इच्छा तर प्रत्येकाची असते परंतु प्रत्येकाला ते पदार्थ बनवता येत नाही.

लोकांना जे पदार्थ बनवून हवे असतील ते पदार्थ तुम्ही त्यांना बनवून देऊ शकता आणि त्यासाठी ठराविक पैसे चार्ज करू शकतात.

42. Shops Cleaning Business ( दुकान साफ ​​करण्याचा व्यवसाय )

प्रत्येक शहरामध्ये हजारों – लाखों दुकानं असतात आणि प्रत्येकाला वाटतं असत की त्याचं दुकानं स्वच्छ असावं आणि म्हणूनच तुम्ही शॉप cleaning चा बिझनेस सूरु करू शकता ज्यात तुम्ही तुमच्या शहरातील वेगवेगळी दुकाने स्वच्छ करुन देऊ शकता.

प्रत्येक घरात साफसफाई करण्यासाठीं आवश्यक असलेल्या सर्व गोष्टी असतात. त्याचं वस्तुंचा वापर करून तुम्ही तुमचा व्यवसाय सुरू करू शकता म्हणजे शून्य भांडवलात तुमचा व्यवसाय सुरू होईल.

43. Tourist Guide Supplier ( टूरिस्ट गाईड सप्लायर )

तुमच्या शहरात किंवा आसपासच्या शहरांमध्ये जर एखाद मोठ Tourist place असेल तर तुम्ही Tourist Guide Supplier बनू शकता.

हा व्यवसाय तुम्ही तुमच्या मुख्य Business सोबत एक जोड धंदा म्हणुन करू शकता.

हा व्यवसाय सुरू करण्यासाठी तुम्हाला कोणत्याही प्रकारच्या मोठया भांडवलाची आवश्यकता नाही. तुम्हाला फक्तं अशे लोक कामावर ठेवायचे आहे ज्यांना त्या Tourist place ची चांगली माहिती आहे.

44. Catering business ( केटरिंग व्यवसाय )

केटरिंगच्या व्यवसाया मध्ये प्रचंड पैसा आहे तुम्ही सुरुवातीला कमी भांडवलामध्ये छोट्या लेव्हलवर केटरिंगचा व्यवसाय सुरू करू शकता.

ज्यात तुम्ही लग्न, वाढदिवस, पार्ट्या, हळद, साखरपुडा अशा वेगवेगळ्या कार्यक्रमांच्या जेवणाच्या ऑर्डर घेऊ शकता . 

केटरिंग च्या व्यवसायात खूप चांगले Profit Margin असते आणि म्हणूनच यातून तुमची कमाई देखील अतिशय चांगली होते. 

45. Sell Images Online ( ऑनलाइन फोटो विकणे )

तुम्हाला जर फोटोग्राफी मध्ये इंटरेस्ट असेल तर तुम्ही वेगवेगळे फोटो काढून ऑनलाइन Shutterstock सारख्या वेबसाईटवर विकू शकता.

Shutterstock सारख्या अनेक वेबसाईट मार्केटमध्ये प्रसिद्ध आहे. तुम्ही कोणत्याही एका चांगल्या website ची निवड करू शकता आणि त्यावर फोटो विकून चांगले पैसे कमवू शकता.

फोटोग्राफी कशी करायची हे तुम्ही ऑनलाईन फ्री मध्ये देखील शिकू शकता.

46. Domain Flipping ( डोमेन फ्लिपिंग )

तुम्ही Domain Selling किंवा Domain Flipping चा बिझनेस करू शकता. 

डोमेन चा वापर हा वेबसाईट बनवण्यासाठी केला जातो जसे की Amazon.com , bigmastery.com.

आजच्या काळामध्ये चांगलं Domain मिळण अतिशय कठीण झालेलं आहे कारण लोकांनी जवळपास सगळ्याच चांगल्या शब्दांचे डोमेन विकत घेऊन ठेवलेले आहे त्यामुळे जर कोणाला त्यांच्या बिझनेस साठी किंवा ऑर्गनायझेशन साठी Domain हवं असेल तर ते त्यांना मिळत नाही.

त्यामुळे अशे बिझनेस चांगल्या Domain साठी भरपूर पैसे मोजायला देखील तयार असतात.

तुम्ही हजार रुपये मध्ये चांगले डोमेन रजिस्टर करून ठेवू शकता आणि वेगवेगळ्या बिजनेस आणि ऑर्गनायझेशन ला त्यांची विक्री करून अतीशय चांगले पैसे कमवू शकता.

47 Affiliate Marketing ( ॲफिलीएट मार्केटिंग )

तुम्ही घर बसल्या शून्य भांडवलात Affiliate Marketing करू शकता.

Affiliate Marketing म्हणजे तुम्ही ज्या कंपनीचा affiliate program Join करता त्या कंपनीकडून तुम्हाला एक स्पेशल Link मिळते ती लिंक तुम्हाला तुमची वेबसाईट किंवा सोशल मीडियावर शेअर करायची असते आणि त्या लिंकवर क्लिक करून कोणत्याही व्यक्तीने खरेदी केली की तुम्हाला त्याचं काही कमिशन मिळतं.

मार्केटमध्ये अनेक affiliate program प्रसिद्ध आहे जसे की Amazon affiliate program

48 Become An Influencer ( इन्फ्ल्यून्सर बना )

तुम्ही युट्युब, इंस्टाग्राम किंवा फेसबुक वर अनेक Short Videos तसेच Long व्हिडिओज बघत असाल.

अनेक लोक या Videos च्या माध्यमातून दर महिन्याला लाखो रुपये कमवत असतात. याच लोकांना इन्फ्ल्यून्सर असं म्हणतात.

तुम्ही याच पद्धतीने छोटे व्हिडिओज किंवा मोठे व्हिडिओज बनवून ते वेगवेगळ्या सोशल मीडिया प्लॅटफॉर्म वर अपलोड करू शकता आणि त्यातून चांगले पैसे कमवू शकतात.

Advertising, affiliate marketing, sponsorships अशा अनेक मार्गांनी तुम्ही यातून भरपूर पैसे कमवू शकता.

49. Mobile Recharge Service ( मोबाईल रिचार्ज सर्व्हिस )

आजकाल प्रत्येक व्यक्ती मोबाईल वापरतो आणि दर महिन्याला त्या मोबाईल ला रिचार्ज करावाच लागतो कारण रिचार्ज केल्या शिवाय त्या मोबाईलचा काहीही उपयोग नाही.

तुमचं जर एखाद दुकान असेल तर तुम्ही मोबाईल ला रिचार्ज करून देण्याची सर्व्हिस देखील देऊ शकता.

हा बिझनेस एक साइड बिझनेस म्हणून तुम्ही करू शकता.

50. Become Content Writer ( कंटेंट रायटर )

तुम्हाला जर एखाद्या विषयाचं ज्ञान असेल किंवा त्यामध्ये तुम्हाला इंटरेस्ट असेल तर तुम्ही content writer म्हणून देखील काम करू शकता.

इंटरनेटवर अनेक ब्लॉग आणि वेबसाईट असतात ज्यांना कंटेंट रायटर ची गरज असते. Content writer च्या माध्यमातून तुम्ही अतिशय चांगले पैसे कमावू शकता.

Finance, business, news, trending topics facts, health and fitness अशा अनेक विषयांवर तुम्ही content writer म्हणून काम करू शकता.

51. Video Editor ( व्हिडीओ एडिटर )

आज-काल जग हे व्हिडिओ च आहे. तुम्ही यूट्यूब, इंस्टाग्राम फेसबूक त्याचबरोबर इतर शॉर्ट व्हिडिओ चे ॲप वापरत असाल. 

या प्रत्येक प्लॅटफॉर्मवर करोडो लोक दररोज व्हिडीओज बघतात आणि म्हणूनच मार्केटमध्ये Video Editor ची मोठ्या प्रमाणावर डिमांड आहे.

तुम्ही एखादा छोटासा व्हिडिओ-एडिटिंग चा कोर्स करू शकता किंवा तुम्ही ऑनलाईन देखील सर्व गोष्टी फ्री मध्ये शिकू शकता आणि हा बिझनेस सुरू करू शकता.

52. Self Published Books ( सेल्फ पब्लिश बुक्स )

पुस्तकं लिहून लोक अतिशय चांगले पैसे कमवत आहे. तुम्हाला जर एखाद्या विषयाचं चांगलं ज्ञान असेल तर तुम्ही देखील स्वतःच एक पुस्तक लिहू शकता आणि ते publish करू शकता.

आता तुम्हाला प्रश्न असेल की पुस्तकं लिहिणे तर सोप आहे परंतु ते पब्लिश कस करायचा त्यासाठी तर खूप मोठे पैसे लागत असतील परंतु तसं अजिबात नाही कारण काळ बदलला आहे.

आता तुम्ही अमेझॉन सोबत Kindle वर फ्री मध्ये Book Publish करू शकता तुम्हाला फक्त पुस्तक लिहायचा आहे आणि ते ऑनलाईन अमेझॉन वर अपलोड करायच आहे.

ज्यावेळेस कोणताही व्यक्ती त्या पुस्तकाची ऑर्डर देईल त्यावेळेस अमेझॉन स्वतः ते पुस्तक प्रिंट करेल आणि त्या ऑर्डर दिलेल्या व्यक्तीकडे पाठवून देईल.

53. Accounting ( अकाउंटिंग )

तुम्हाला जर अकाउंटिंग चे ज्ञान असेल आणि जर तुम्हाला Tally सारखे सॉफ्टवेअर्स चालवता येत असतील तर तुम्ही अकाउंटिंग चे कामे घेऊ शकता आणि त्या माध्यमातून चांगले पैसे कमावू शकता.

जवळपास प्रत्येक व्यवसायाला आणि दुकानाला Accounting करावी लागते त्यासाठी ते एखादा व्यक्ती कामाला ठेवू शकता.

परंतु फुल टाईम एखाद्या व्यक्तीला कामाला ठेवणे म्हणजे अनेक अडचणी येतात जसे की त्या व्यक्तीला ट्रेनिंग द्यावी लागते त्याला इतर टूल्स आणि साधने प्रोव्हाइड करावी लागतात आणि इथेच तुमच्यासाठी संधी निर्माण होते.

तुम्ही वेगवेगळ्या दुकानांची आणि व्यवसायाची Account ची कामे घेऊ शकता आणि प्रोजेक्टर नुसार करू शकता.

54. Tax Consultant ( टॅक्स कन्सल्टंट )

तुम्ही टॅक्स कन्सल्टंट बनू शकता. जो व्यक्ती बर्‍यापैकी पैसा कमावतो त्या प्रत्येक व्यक्तीला Income tax return File करावा लागतो आणि ते त्याला स्वतःला करता येत नाही.

तुम्हाला अनेक Customer मिळतील जसे की व्यावसायिक, छोट मोठे दुकानदार, सरकारी कर्मचारी तसेच मोठ्या पोस्ट वरील Corporate employee

हा व्यवसाय सुरू करण्याआधी तुम्ही एखाद्या मोठ्या Tax Consultant च्या हाताखाली काही महिने काम करू शकता आणि अनुभव आल्यानंतर तुम्ही स्वतःचा व्यवसाय सुरु करू शकता.

55. Data Entry ( डेटा एन्ट्री )

तुम्ही ऑनलाईन अनेक Data Entry ची कामे घेऊ शकता आणि त्यातून चांगले पैसे कमवू शकता. 

Upwork.com, Fiverr.com अशा फ्रीलान्सिंग च्या वेबसाईट वर तुम्हाला अनेक Data Entry ची कामे मिळतील.

अनेक लोक Data Entry ची कामे करून चांगले पैसे कमवत आहे.

56. Virtual Assistant ( व्हर्च्युअल असिस्टंट )

तुम्ही घर बसल्या Zero investment मध्ये Virtual Assistant ची सर्व्हिस देऊ शकता. 

Appointment schedule करणे, phone call करणे, email account मॅनेज करणे, meetings schedule आणि manage करणे अशा प्रकारची अनेक कामे virtual assistant करत असतो.

Virtual assistant हा कोणत्याही कंपनीचा employee नसतो. तो स्वतंत्रपणे वेगवेगळ्या कंपन्यांची तसेच छोट्या मोठ्या Businesses ची कामे करत असतो

57. Meesho Seller ( मीशो सेलर )

Meesho हे एक शॉपिंग च app आहे. या ॲप वर तुम्हाला सर्व Products हे अतिशय स्वस्तात मिळतात आणि हेच Products तुम्ही WhatsApp, Facebook यांसारख्या social media वर तसेच website वर विकू शकता आणि चांगलं प्रॉफिट मार्जिन कमवू शकता.

Meesho कंपनी स्वतः तुम्हाला असं करायला सांगते. या कंपनीवर अनेक होलसेलर त्यांचे प्रोडक्ट लिस्ट करत असता.

तुम्ही ते प्रॉडक्ट तुम्हाला हव्या त्या किमतीला विकू शकता आणि चांगले पैसे त्यातून कमावू शकता.

58. Sell on Amazon ( अमेझॉन सेलर )

तुम्ही Amazon seller म्हणुन Free मध्ये Registration करू शकता आणि वेगवेगळे Products ॲमेझॉनवर विकू शकता.

अमेझॉन ही जगातील सगळ्यात मोठी ई-कॉमर्स कंपनी आहे. करोडो लोक दररोज ॲमेझॉन वर वेगवेगळे Products खरेदी करत असतात. अमेझॉन चा आधीपासूनच एक मोठा Customer Base असल्यामुळे तुम्हाला Directly त्याचा फायदा मिळतो.

अमेझॉन वर तुम्ही कोणतेही प्रॉडक्ट विकू शकता जसे की apparel, accessories, beauty products, fitness products आणि अजूनही खुप काही.

59. Language Translator ( भाषा ट्रांसलेटर )

जर तुम्हाला दोन-तीन भाषा चांगल्या येत असतील तर तुम्ही Language Translator म्हणून देखील काम करू शकता.

ब्लॉग पोस्ट, videos, documents अशा अनेक गोष्टी लोकांना वेगवेगळ्या Language मध्ये Translate करून हव्या असतात.

तुम्हाला ऑनलाईन upwork.com आणि fiverr.com अशा वेबसाईटवर देखील अनेक कामे मिळतील.

60. Script Writing ( स्क्रिप्ट रायटिंग )

आज-काल लाखो लोक युट्युब वर व्हिडिओज बनवतात. 

आणि ते व्हिडिओज बनवण्याआधी एक महत्त्वाची गोष्ट करावी लागते ती म्हणजे स्क्रिप्ट लिहिणे.

तुम्हाला जर ऑनलाईन रिसर्च करता येत असेल आणि चांगल लिहिता येत असेल तर तुम्ही स्क्रिप्ट रायटर म्हणून काम करू शकता.

युट्युब प्रमाणेच movies, शॉर्ट फिल्म, advertisement यांसाठी देखील तुम्ही स्क्रिप्ट रायटिंग करू शकता.

61. Dropshipping ( ड्रॉप शिपिंग )

Drop shipping हा ई कॉमर्स चा एक प्रकार आहे. Drop shipping मध्ये तुम्हाला ऑनलाईन वेगवेगळ्या products ची Online विक्री करायची असते. इथे तुमच मुख्य काम हे फक्त मार्केटिंग करणं असतं. 

त्यासाठी तुम्ही स्वतःची वेबसाइट बनवू शकता किंवा तुम्ही सोशल मीडियावर देखील या प्रॉडक्ट ची विक्री करू शकता.

तुमच्याकडं कस्टमर ची ऑर्डर आली की तुम्हाला ती ऑर्डर Dropshipping च्या सप्लायर कडे पाठवायची असते मग तो सप्लायर ऑर्डर केलेला प्रॉडक्ट तुमच्या कस्टमर कडे पाठवतो.

इथ तुम्हाला product wholesale ने घ्यावा लागत नाही, त्याचं Storage करावा लागत नाही, त्याची shipping करावी लागत नाही. तुम्हाला फक्त त्या product च्या images आणि videos चा वापर करून त्याची मार्केटिंग आणि जाहिरात करायची असते.

Conclusion :

अशा प्रकारे या काही शून्य रुपयात सुरु होणाऱ्या Business Idea आहे ज्यांचा तुम्ही नक्कीच विचार करू शकता आणि स्वतःचा Business सुरु करू शकता.

आता या Zero Investment Business Idea किंवा शून्य रुपयांत सुरु होणाऱ्या Business Idea बद्दल एक महत्वाची गोष्ट तुम्ही लक्षात घेणं गरजेचं आहे : –

भलेही तुम्ही हे Business शून्य रुपयात सुरु करू शकाल परंतु तुम्हाला Advertising करावी लागेल, marketing करावी लागेल, तुम्हाला लोकांना भेटावं लागेल, तुम्हाला फिरावं लागेल , त्यामुळे तुम्हाला थोडाफार खर्च हा करावाच लागणार आहे.

आणि जर तुमच्या कडे पाच-दहा हजार रुपये हि नसतील तर एक पाच- सहा महिने कुठं तरी Job करू शकता. जास्त नाही एक ५ हजार रुपये महिन्याने, पाच सहा महिन्यात तुमच्याकडे २५-३० हजार रुपये जमतील. आणि मग तुम्ही स्वतःच business सुरु करू शकता. 

अशाप्रकारे थोडास विचार पूर्वक जर  Business केला तर नक्कीच तुमचा देखील Business उभा राहील.

Frequently Asked Questions: –

How can I start a business with zero investment?

If you want to start a business with zero investment then you have to think about how you start that business at the smallest level

What is the best business without investment?

So many businesses are best in their own categories like youtube channels, coaching classes, blogging, house cleaning, and much more. Read our complete post to get more business ideas without investment

हे देखील वाचा

< < मराठी Home Page वर जाण्यासाठी
< < मुख्य Home Page वर जा जाण्यासाठी ( Big Mastery.com)

Swapnil Shinde

Big Mastery चे Founder आणि CEO. स्वप्निल शिंदे हे Ecommerce, Education, Content Creation, Hosting अशा अनेक व्यवसायांमध्ये कार्यरत आहे. स्वप्निल शिंदे यांनी अनेक अडचणींवर मात करून स्वतःचा व्यवसाय उभा केला आहे.

Leave a Reply

This Post Has One Comment

  1. Vaishali suklal patil

    I am interested